Innbúgv

Tá vit tosa um innbúgv, tosa vit um møblar, brúkslutir, køkslutir, amboð, klæðir, list, ja, í stuttum kunnu vit siga, at alt tað, sum hevði dottið út, sum vit tóku húsini, vendu teimum á høvdið og rystu tey, kann roknast upp í innbúgvið.

Ein innbústrygging tryggjar títt innbúgv – bæði møblar, klæði, sjónvarp, teldur o.s.fr.
Innbúgv, sum er lænt ella leigað, er eisini fevnt av tryggingini, um onnur trygging ikki er galdandi.

Skuldi tú mist alt, eitt nú av eldi, hevði tað sannlíkt verið dýrt at keypt alt aftur, og tí er umráðandi at hava innbústrygging, so tú hevur rætt til endurgjald. Endurgjaldið verður latið eftir tí, sum tú hevur upplýst okkum um virðið. Hevur tú t.d. undirmett, hvat innbúgvið er vert, fært tú tí ikki fult endurgjald, um skaðin hendir. Og ofta eiga vit meira, enn vit halda - tí er umráðandi at áseta rætt tryggingarvirði.

Tilvalstryggingar
Tú hevur møguleika at velja tilvalstryggingar til tína innbústrygging. Vit viðmæla teimum flestu at hava hesi tilval:

Brádligur skaði (fevnir um brádligar skaðar, ið henda, tá lutir sum t.d. telefonir, teldur, stell ella klæðir brotna, skrædna ella á annan hátt gerast óbrúkilig)
Elskaði (fevnir um skaðar á elektrisk tól og leidningar orsakað av t.d. streymsliti)

Áset rætta trygginarvirðið
Prísurin á innbústryggingini veldst um, hvussu nógv ting tú eigur, og hvussu dýr ting tú eigur. Tað er tíverri ein sannroynd, at tey allarflestu eru undirtryggjað, tá tað kemur til innbúgvið. Vit undirmeta heilt einfalt, hvat tað kostar at keypa alt av nýggjum, um ólukka rakar.

Við innbúsroknaranum niðanfyri kanst tú kanna, um tú ert á beinari leið.

Dagfør innbústryggingina í Mín Trygging

Tú kanst skjótt og lætt síggja og broyta tryggingarupphæddina á tínum innbúgvi í appini.Á ”Mín Trygging” kanst tú:

Síggja tryggingarupphæddina, ið vit viðmæla til títt innbúgv
Broyta tryggingarupphæddina á tíni innbústrygging
Broyta tilvalini til tína innbústrygging

Rita inn í Mín Trygging

Ynskir tú at vita neyva virðið á tínum innbúgvi, mæla vit til, at tú fert neyvari til verka og veruliga setur prís á tað, tú eigur. Trýst her.

Vel ta innbústrygging, sum hóskar best til tín

Afturat vanligu innbústryggingini bjóða vit ymisk tilval, ið gera, at tú kanst laga tryggingina júst til tín tørv

Tilval - El-skaði

Fevnir um skaðar á elektrisk tól, leidningar ella komponentar í elektriskum tólum orsakaður av skammlopi, induktión, streymvillu, yvirspenningi ella tílíkum. Hetta er ein trygging, ið kann teknast eftir tørvi.

Tilval - Brádligur skaði

Fevnir um brádligar skaðar, sum henda, tá innbúgvslutir brotna, skrædna ella á annan hátt gerast óbrúkiligir, og hetta ikki kemur undir nakra aðra skaðaorsøk, ið innbústryggingin framman undan fevnir um. Talan er ikki um kosmetiskar skaðar. Atvold og avleiðing skulu henda samstundis. Hetta er ein trygging, ið kann teknast eftir tørvi.

Tilval – Tøknitrygging

Fevnir um elektrisk tól við tilhoyri, sum tann tryggjaði eigur. Vit veita endurgjald fyri skaða, tá talan er um virkisbrek á elektrisk tól, sum eru undir 4 ár – ella um mekaniskt ella elektriskt brek ger, at tólið ikki kann brúkast til sítt endamál. Hetta er ein trygging, ið kann teknast eftir tørvi.

Tilval - Útleigutrygging til býli

Útleigutrygging til býli, er ætlað tær, sum leigar hús, íbúðir, summarhús og líknandi út til stutttíðarleigu - eitt nú á Airbnb.

Við ”Útleigutrygging til býli” er býlið betri tryggjað, tá ið ein leigari kemur inn í tína ogn og nýtir títt innbúgv. Hon fevnir eisini um eitt nú úthús, terassu og hitapottar.

Tryggingin dekkar eisini stuldur og herverk - ella um leigarin missir lykilin burtur, so tú mást skifta lásið.

Les meira um Útleigutrygging til býli

Tilval – Ferðatrygging

Hevur tú Innbústrygging hjá okkum ber eisini til at tekna eina ferðatrygging. Ferðatryggingin verjir teg, tíni og títt, meðan tit eru burturi og ferðast.

Les meira um ferðatrygging

Tilval - Avlýsingartrygging

Hevur tú Innbús- og ferðatrygging hjá okkum, ber til eisini at tekna eina avlýsingartrygging, ið veitir tær endurgjald, um tú av ávísum ávum ikki fært farið á eina ætlaða ferð.

Les meira um ferðatrygging

Tak niður

Vit mæla til, at tú lesur okkara treytir og upplýsingartilfar annars.