Tá ið tú byrjar í starvi

Hjá Betri Trygging, gera vit nógv burturúr at taka væl ímóti tær. Vit hava eina góða mynstringarskipan, sum tryggjar, at tú lutfalsliga skjótt lærir um ymsu deildirnar, fjølbroyttu arbeiðsøkini og at tú hittir mongu starvsfelagarnar. Vit vita, at tryggingarheimurin fyri tey flestu er nýtt øki, og tí hjálpa vit tær væl á veg og læra teg um tryggingar.

Jú ymiskari hvør sær, jú sterkari saman

Starvsfólkini í Betri Trygging eru sera fjølbroytt. Her starvast talknúsarar og samskiftisfólk, løgfrøðingar og marknaðarføringsfólk, teldufrøðingar og kostfrøðingar – og alt harímillum. Onkur hevur lært á tryggingini og hevur starvast her í 40 ár – onnur eru júst byrjað.

Vit eru eitt stórt felag við nógvum ymsum virksiøkjum, og vit leggja okkum eftir góðari og fjøltáttaðari arbeiðsmegi. Tá fólk søkja starv, hyggja vit at fakligum førleikum, men vit leggja eisini dent á persónligar eginleikar og arbeiðsroyndir annars. Vit eru ikki bangin fyri at seta fólk við øðrvísi profili, tí vit eru av tí sannføring, at jú ymiskari vit eru hvør sær, jú sterkari eru vit saman.

Sama hvat starvsøki, tú arbeiðir innanfyri, leggja vit stóran dent á førleikamenning, sparring og gott samstarv. Tú fært tí bestu treytir til menningarmøguleikar. Tað gagnar bæði starvsfólki okkara, kundum okkara – og okkum sum fyritøku.