Betri Banki hækkar inn- og útlánsrenturnar

Evropeiski Miðbankin og Danski Tjóðbankin hækkaðu í farnu viku leiðandi rentuna fyri fjórðu ferð í ár. Hesaferð við 0,5% stigum.

Síðan juli er leiðandi rentan hjá Evropeiska Miðbankanum hækkað frá -0,5% stigum til 2% stig.

Rentuhækkingarnar hjá Evropeiska Miðbankanum og Danska Tjóðbankanum merkja, at Betri Banki fer at hækka inn- og útlánsrenturnar við upp til 0,3% stig.

Broytingarnar koma í gildi 1. februar 2023.

Tú kanst kunna teg um renturnar í Betri Banka á betri.fo/rentur.